Cultura

Ultreia et Suseia celebrarase en Sarria entre o 16 de xullo e o 23 de agosto de 2023 cunha variada programación para todos os públicos e gustos.

 Como podedes ver este ano as "camiñografías", paseos teatralziados pola historia de Sarria, serán dúas (17 e 24 de xullo) e teremos narración oral para adultos e para nenos en La Unión e no parque de O Chanto respectivamente, e un espectáculo para adolescentes dos coñecidos tik-tokers Pepe e Lucas na Casa da Cultura.

As actividades de pago serán o Recuncho da Comedia, con Danny-Boy Rivera, David Amor e Pablo Meixe, e os monólogos de Touriñán e Luis Piedrahita, todos eles no Meigallo.

Deixámosvos os carteis da programación de narrativa oral e de comedia.

O próximo 12 de xullo, ás 19:00 horas, inauguraremos na Antiga Prisión Preventiva a A Bienal de Sarria, que volve tras catro anos de ausencia por mor da pandemia. Este ano contará coa colaboración de 134 artistas de 25 nacionalidades.

Ademáis, teremos o privilexio de inaugurar tamén, de xeito oficial, a Sala Permanente José Díaz Fuentes, coa exposición "A árbore interior", na que todos podemos disfrutar das obras do autor sarriao.

O horario de visitas será de 11:00 a 17:00 horas.

O Concello de Sarria pon en marcha o programa de conciliación “Viaxe no tempo”. Unha ludoteca de lecer e tempo libre infantil dirixida preferentemente aos fillos e fillas das familias traballadoras, nados entre os anos 2017 e 2019 ambos inclusive.

Chega o final do curso tamén para a Escola Municipal de Música de Sarria e profes e alumnos celébrano con música: o próximo 19 de xuño o grupo de percursión Os Petapouco, ás 19:00 horas e o día 22, ás 20:00 horas Os Clarisaxos, ofrecerán sendos concertos no Paseo do Malecón.

Orgullo de escola, de alumnos e de mestres! 

Organizado pola SD Sarriana e o Concello de Sarria, os días 2, 3 e 4 de xuño celebrarase no Estadio de A Ribela o VIII Torneo Memorial Pedro Canoa de fútbol.

Nos documentos adxuntos tedes toda a info.