Festival Matías López. A Cultura do chocolate

Sarria, 12, 13 e 14 de maio de 2023.

SARRIA BERCE DA CULTURA DO CHOCOLATE.

Durante o século XIX e por razóns fundamentalmente económicas chegaron a Madrid gran número de persoas procedentes de Sarria pertencentes a diferentes xeracións, que alcanzarían o éxito económico no ámbito da fabricación venta e distribución dun producto: O Chocolate.

Ao longo de muitos anos exerceron a súa profesión, estableceron vínculos entre eles e ocuparon cargos de enorme importancia no ámbito político ou social, tendo sempre como punto de referencia o seu lugar de nacemento: Sarria.

Entre todos estes emigrantes destaca Matías López polo seu caracter emprendedor, por ser o primeiro con campañas de marketing nunha España iletrada e polo seu grande compromiso social coas persoas traballadoras. Matías naceu en Sarria no 1825 e sendo mozo foi chamado polo seu irmán para ir traballar a Madrid. Tras abandonar o oficio de xastre e aprender o oficio de comerciante, traballou nun taller de chocolate durante sete anos, bagaxe que lle permitiría despois montar o seu taller para a elaboración deste produto, fundando en 1851 a empresa “Chocolates y Dulces Matías López”.

Nacían así os coñecidos Chocolates Matías López. En 1874, o novo empresario amplía o negocio e compra una fábrica refinadora de azúcar en “El Escorial de Abajo”. Nese momento, o chocolate non se elaboraba en grandes cantidades, é un alimento exclusivo da clase alta, polo que a gran innovación de Matías López foi comezar a elaborar chocolate a grande escala incorporando máquinas a vapor no proceso de produción.

Naquela época, unha parte moi importante da poboación e, polo tanto, dos novos consumidores de chocolate, era analfabeta. Matías López decidiu vender o seu producto a través de dibuxos creando o Primeiro Cartel Publicitario de España: “Los Gordos y los Flacos”. Non facía falla saber ler para entender o que quería vender. Matías López morre en 1891 deixando una fábrica de 500 traballadores e unha das 3 chocolateiras máis importantes de Europa. A fábrica pecha en 1964 mas isto non significa que o seu legado sexa esquecido ou desaparecera.

Presentámosvos, en primicia, as décimas escritas por O Xeringador de Romelle na súa honra: