Comezan as obras de mellora viaria no Polígono do Morelle

O Concello de Sarria comezou hoxe os traballos de mellora do pavimento do vial circular do Polígono do Morelle, que suporán un investimento de 121.000 euros  e que serán sufragados cunha subvención concedida pola Xunta de Galicia.

A actuación, que inclúe a renovación do pavimento e o pintado da sinalización horizontal, foi adxudicada á empresa Probisa e a previsión do goberno local é que estea completamente rematada a finais da vindeira semana.