Enredadas no cambio. Exposición fotográfica
A Oficina Municipal de Turismo - Antiga Prisión Prevantiva de Sarria – acolle, do 15 de maio ao 1 de xuño, Enredadas no cambio.
Enredadas no cambio é unha exposición fotográfica que convida a descubrir o poder transformador das mulleres emprendedoras en distintas partes do mundo.
A mostra, organizada por Fundación Taller de Solidariedade, co apoio do IRPF da Xunta de Galicia visibiliza as historias de oito mulleres de Perú, Bolivia, Nicaragua, Colombia e España que, a través dos seus proxectos e iniciativas, están cambiando non só as súas vidas, senón tamén as das súas comunidades.
A través das súas testemuñas, a exposición achéganos a temas coma o emprendemento femenino, a economía social, o consumo responsable e a loita pola igualdade. Enredadas no cambio é máis que unha exposición: é un convite a reflexionar sobre o papel das mulleres como motor de cambio nun mundo que segue a enfrontar desafíos na procura da xustiza social e a equidade.
A mostra poderá visitarse de maneira gratuita Antiga Prisión Preventiva de Sarria formando parte de maneira complementaria á programación prevista polas xornadas Sarria <30, un encontro artellado ao longo do mes de maio, no que Taller de Solidariedade contará cun espazo para a presentación da entidade o día do evento central.
SOBRE TALLER DE SOLIDARIDAD Organización de cooperación internacional para el desarrollo con sede en Madrid, Lugo y Alicante fundada en 2001 junto a la Congregación Siervas de San José. Trabaja con mujeres, jóvenes y comunidades en Bolivia, Colombia, Cuba, Nicaragua, Papúa Nueva Guinea y Perú, impulsando proyectos que promueven el acceso al trabajo digno, la igualdad de género, la economía social y la justicia global.
En 2026 celebra su 25.º aniversario bajo el lema «25 años caminando juntas». CONTACTO ACTIVIDAD: CONTACTO DE PRENSA · Sonia Carralafuente [Comunicación TdS]
