2 de febreiro de 2025. Primeiro Día Elías Valiña Sampedro

O 2 de febreiro cúmprense 96 anos do nacemento de Elías Valiña Sampedro, un dos seus paisanos e fillo predilecto de Sarria, inventor da frecha amarela que hoxe guía a peregrinos de todo o mundo ata Santiago de Compostela.

Sarria está orgullosa de Elías Valiña Sampedro o maior impulsor, valedor e defensor do Camiño de Santiago no século XX.                                                                                                                                                                                      

 Xa en 2022 estreamos un gran mural dedicado a el realizado polo artista lucense Diego As. E agora, tras un ano no que se sucederon os actos na súa honra no 35 aniversario da súa morte, celebraremos o seu día, o día dos seu aniversario: o 2 de Febreiro celebraremos o Primeiro Día Elías Valiña Sampedro e colocaremos unha placa na casa onde naceu, en Mundín, parroquia de santa María de Lier, ás 13:00 horas.