San Isidro 2025 chega na súa XXXV Edición cheo de experiencias para todos.

A Mostra Agrogandeira, corazón desta festividade é un escaparate onde os nosos agricultores e gandeiros exhiben o mellor da nosa terra e das nosas tradicións coa súa dedicación incansable.

Desde o imponente gando ata as mais exquisitas colleitas, aquí atopamos a esencia mesma da nosa comunidade.

San Isidro 2025 terá concursos, música, puxas e desfiles dos mellores exemplares, mostra de tractores e maquinaria agrícola e, por suposto, gastronomía

Como colofón, un premio nun sorteo por partida doble.

Esperámosvos!

O próximo 28 de abril e ata o 28 de maio a Antiga Prisión Preventiva acollerá unha nova exposición de pintura da autora sarriá Mercedes Freixo, Pompe.

A exposición, que leva o título de "Estados emocionales" supón a volta da pintora aos espazos públicos despois dun tempo desaparecida das salas.

Nas súas propias palabras "Así es como pinto. El acto de pintar ha sido la forma en la que me he expresado toda mi vida".

Non a perdades.

A Axencia Estatal de Meteoroloxía (AEMET) informa no boletín 113/71GAL emitido ás 10.32 horas do día de hoxe dun fenómeno meteorolóxico adverso en nivel AMARELO por TORMENTAS, que afectará a CORUÑA (Interior) e LUGO (Centro e Montaña), acompañado de precipitacións que poden acumular os 15 mm nunha hora, que comezará sobre as 15:00 horas do venres día 11/04/2025 e ata as últimas horas do día.

Un aviso de nivel amarelo por tormentas indica que na zona de aviso afectada prevense tormentas fortes.

O próximo 8 de abril, a Casa da Cultura de Sarria será o escenario dunha sesión formativa dedicada á compostaxe doméstica, que dará comezo ás 19:00 horas. Durante o evento, os participantes poderán aprender a reciclar os seus residuos orgánicos no fogar e, ao remate da formación, recibirán o material necesario: un manual de compostaxe, un composteiro e un aireador.

Este evento está dirixido a todos os veciños e veciñas de Sarria que dispoñan dun espazo de polo menos 50 m² para a instalación do composteiro. Debido á dispoñibilidade limitada de composteiros, é preciso realizar unha inscrición previa a través da web https://sarria.rsu.gal/ para garantir a entrega do material. Ademais, realizarase un seguimento ao longo de 2025 para supervisar o proceso de compostaxe.

Esta campaña conta co apoio financeiro da Consellería de Medio Ambiente e Ordenación do Territorio, así como do Plan de Recuperación, Transformación e Resiliencia do Goberno de España, financiado pola Unión Europea-NextGenerationEU.

Para máis información, as persoas interesadas poden contactar co teléfono 647 521 464 ou enviar un correo a Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo..