Chega a VIII Edición dos Cantos de Taberna, e con ela os grupos inscritos percorrerán bares, tascas e locais de Sarria divertíndonos coa música e cantos tradicionais. O pasado ano tivo lugar e I Edición dos Cantos Pequenos de Taberna, e o éxito foi tal que en 2024 celebrarase a segunda, o 6 de abril.

A AC Peleriños, da mán da Fundación Legar, Roxín Roxal, Fundación Uxío Novoneyra, a Nova Escola Galega e a ANPA do CEIP de Oural, con financiación do Ministerio de Cultura, invítanos, previa inscripción, a Mulleres Raíz, un encontro que servirá para coñecer os instrumentos que usaban as mulleres nas súas labores. Cantos, bailes e charlas. Para peques o 22 e para adultos o 23. Inscricións no 600 730472