Sarria acollerá o vindeiro domingo, día 15 de outubro, a terceira edición da Pretorian Race Sarria Xtreme, proba de superación física e habilidade que reunirá a máis de 700 participantes que competirán por superar os máis de 35 obstáculos naturais e artificiais distribuídos nun percorrido de sete quilómetros.
Ante as novas difundidas sobre unha agresión sexual a unha muller rexistrada nun pub de Sarria a finais do pasado mes de setembro, e tras constatar coas forzas e corpos de seguridade a existencia da correspondente denuncia e a detención de tres varóns relacionados con eses feitos, desde a Corporación Municipal de Sarria expresamos de xeito unánime a nosa solidariedade coa vítima e a nosa enérxica repulsa e condena ante calquera manifestación de violencia machista, ao tempo que solicitamos que se diriman canto antes as responsabilidades penais que poidan derivarse.
A UNED de Lugo vén de abrir o prazo de matrícula da UNED Sénior (persoas maiores de 55 anos de idade, con independencia da formación académica que posúan) en Sarria no curso 2023-24.
A Oficina Acelera Pyme Asime Lugo organiza este xoves no Hotel Restaurante Roma, de 10.00 a 12.30 horas, unha xornada demostrativa sobre ciberseguridade e seguridade industrial dirixida a pemes, autónomos e emprendedores, así como a calquera outra persoa interesada.
O estadio municipal da Ribela acollerá este mércores de 10.30 a 12.30 horas unha exhibición dos recursos e o funcionamento de diferentes unidades da Comandancia da Garda Civil de Lugo, entre as que se atopan, por exemplo, o helicóptero do Servizo Aéreo, a unidade de drones, o grupo de montaña ou a unidade canina.
Efectuada adxudicación por parte da Xunta de Goberno Local do Concello de Sarria, en sesión celebrada en data 06/09/2023, do contrato mixto de “SUBMINISTRO CORRESPONDENTE Á MODERNIZACIÓN DO EQUIPAMENTO DO AUDITORIO DA CASA DA CULTURA DO CONCELLO DE SARRIA”,
Seleccione su idioma
